Intal ultin di un burlaç, une niule a vignive inceade da un rai di soreli.....

…..e le niule par no restâ imbarlumade a volte i voi par dabàs, al è cussì che pe prime volte a viôt i biei colôrs de cjere … A pense: jo o voi toli sù une striche par ogni colôr … e si met a cori pal cîl dal Friûl…

… intal bosc di Valerian a cjape sù un tucut di vert des fuês e un tucut di viole des violutes.

Tal cjamp di Toni a racuei il zâl dal forment e il ros dai papavars …

Intal ort di Rosine, la niule a rincure l’arançon des covoces e dal garoful il colôr di rose - Oh! Ce biele niule cun tancju colôrs! –

Salte fûr il Masarot e al si rabie a viodi une niule cussì biele! Al dîs: ce fastu, i colôrs a son de cjere e no dal cîl…

Il vint al ven a dâ une man a le niule, a le sofle in alt, tant in alt tal cîl, fintremai che a si busse cul soreli e al ven fôr l’arc di San Marc.